Зәй шәһәре 5 нче урта гомуми белем бирү мәктәбендә

халыкара туган тел көненә багышлап үткәрелгән чараларның отчеты.

Алдан расланган план буенча мәктәбебездә халыкара туган тел көне билгеләп үтелде. Татар теле  укытучылары һәм укучыларыбыз алдына түбәндәге бурычлар куелды:

-         туган телнең байлыгын, матурлыгын, гүзәллеген, тапкырлыгын, фикри тирәнлеген ачып бирү;

-         каләм осталарының телебез турында әйтелгән канатлы фикерләре белән танышу;

-         тылсымлы тел дөньясына кереп, матур, дөрес сөйләргә, тапкыр әйтергә, фикерне төгәл белдерергә өйрәнү.

"Хикмәтле дә, бизәкле дә, туган тел” – исеме астында стенд төзелде. Укучыларыбыз тел яңалыклары, туган телебез тарихы, төрле конкурсларның нәтиҗәләре белән танышып бардылар.

Башлангыч сыйныф укучылары арасында "Иң яхшы шигырь сөйләүче” конкурсы булып узды. I урын – Мубаракшина Гүзәл (2 нче сыйныф);

II урын – Магдиева Рузилә, Никандров Кирилл (3 нче сыйныф);

III урын – Клепиков Юра, Сахабутдинов Раильгә бирелде.

Герой – шагыйрь Муса Җәлилгә багышлап үткәрелгән кичә дә зур әзерлек белән үтте. (укытучы Сәлимова Минзилә Шамсрахман кызы әзерләде).  6 нчы сыйныф укучылары Муса Җәлил шигырьләрен сөйләделәр. Урыннар түбәндәгечә бүленде:

I урын – Архипова Мария, Срутдинова Айгөл;

II урын – Сагиров Илдар, Яковлев Герман;

III урын – Утяганов Стас, Миннигулова Эльвина.

  18 нче февральдә уздырылган җирле язучы Мөнир Талипов белән очрашу да бик үзнчәлекле һәм истә калырлык булды. Укытучы Гомәрова Альбина Мөнир кызы укучыларны язучының тормыш юлы белән таныштырды, 3 нче сыйныф укучылары шигырьләрен сөйләделәр.

  Татар теле укытучысы Карамова Гөлчәчәк Хәниф кызы әзерләгән класстан тыш чара да бик кызыклы булды.  2 нче сыйныф укучылары безнең якларда кышлаучы кошлар турында шигырьләр сөйләделәр, презентация карадылар.

 Китапханә хезмәткәрләре белән берлектә күренекле җырчы Илһам Шакировка багышланган кичә оештырылды . Талантлы җырчыбыз турында истәлекләр тыңланды, Илһам Шакиров башкаруында язмалар тыңланды.

          19 нчы февраль көнне бай һәм аһәңле туган телебезгә багышланган әдәби викторина (укытучы Абдукаева Гөлия Габделхай кызы әзерләде) уздырылды. 8 нче сыйныф укучысы Абдукаева Алия, 9 нчы сыйныф укучысы Салахутдинова Алия җиңүчеләр дип табылды.

 "Изге дә, көчле дә син, Туган тел” исеме астында үткәрелгән тематик линейка белән "Мин татарча сөйләшәм” акциясен башлап җибәрдек. Линейканы укытучы Хабибрахманова Люция Мөгаллим кызы әзерләде.

Милли мәсьәләләр буенча директор урынбасары                       Г.Г. Абдукаева